مسابقة الدفاع عن الرسول صلى الله عليه وسلم (يلا الجميع يشارك ويدافع)

السلام عليكم ورحمة الله وبركاته .....

مسابقة الدفاع عن الرسول صلى الله عليه وسلم

يلا شدوا الهمة بنوتات كول


بما انه انتشر الكذب على الرسول صلى الله عليه وسلم والاحاديث الضعيفة إنتشار النار في الحطب يعني يمكن ما يمر يوم واحد إلا أحصل موضوع أو أكثر من الكذب المتشر في هذا المنتدى وفي الردود الي تقول أُثر فيني والي تقول بكيت حاجة تقهر ان الكذب يأثر فيكم كذا بس صراحة في مواضيع كذب جامدة مؤثرة .
أذكر مرة ردييت على موضوع حديث كذب او ضعيف تقول صاحبة الموضوع عادي واذا كان مكذوب (او قالت ضعيف) ايش فيها المهم ان الناس تنهدي او شئ يذكرها في دينها.
إيش رايكم بردها ما اذكر انا ايش رديت عليها وقتها المهم يمكن في ناس تفكر كذا لأن انا شفت من يترك معصية عشان أثر فيه الاحاديث المكذوبة.
اولاً الاحاديث المكذوبة ما يجوز يعني الي مسوي يسوي خير ويأخذ أجر هذا قاعد يأخذ إثم قال عليه الصلاة والسلام (من كذب علي متعمداً فليتبوأ مقعده من النار ) وحتى الي ما يدري انه كذب وما تعمد يأثم ويستحق العقاب كما أفتى المشايخ والمسألة هذي بتطول تفصيلها الي يبي يبحث عنها يبحث .وبالنسبة للمتعمد هناك من العلماء قال حكمه كفر (والعياذ بالله )
ثانياً الي ينشر و يقول ايش فيها ننشر ضعيف ومكذوب ما عجبك الي قاله الرسول صلى الله عليه وسلم جاي انت يا حظرة الفاهم تكمل النقص شايف ان الرسول صلى الله عليه وسلم مقصر في الدين وجاي انت تكمله ما عجبتك الاية الي تقول (اليوم أكملت لكم دينكم وأتممت عليكم نعمتي ورضيت لكم الاسلام دينا )
جاي انت تكمل دين الله وشرعه إلي أنزله ..
الصحابة رضوان الله عليهم والسلف الصالح كانوا يخافون أشد الخوف انهم يحدثوا عن الرسول صلى الله عليه وسلم فعن أنس بن مالك رضي الله عنه يقول (لولا أني أخشى أن أخطئ لحدثتك بأشياء قالها رسول الله صلى الله عليه وسلم) وذاك اني سمعته يقول (من كذب علي متعمداً فليتبوأ مقعده من نار ) هذا أنس يخاف انه يطيح في النار بحديث يقوله وهو الي كان خادم الرسول صلى الله عليه وسلم ويسمع كلامه كثير لكن يخاف يخطئ (اذا شافنا كيف ننقل أحاديث ايش بيقول )
وهذا عبد الله بن مسعود وأبو الدرداء ، كانا إذا أراد أحدهما الحديث عن رسول الله ـ صلى الله عليه وآله وسلم ـ ارتعد فزعاً ، واغرورقت عيناه ، وقال: (( أو دون ذلك ، أو فوق ذلك ، أو قريباً منه ، أو شبيهاً بذلك )).
وهذا من ورعهما وخوفهما من تبعة الزيادة أو النقصان !!!
وكانوا يتثبتوا ويتأكدوون من اي حديث وعشان ما أطيل عليكم كان ذكرت مواقف للخلفاء الراشديين في تأكدهم للحديث حتى من الصحابة الكبار يتأكدون
وحنا ما شاء الله علينا نشوف قال الرسول في اي منتدى علطول ننشر للعالم
نزلت موضوع قبل الطريقة وكيفية التأكد من الاحاديث وفي مواضيع سواها غيري من تجميع الاحاديث المتشرة الكذب وجعل مواقع لها الله يجزاهم خير لكن ما في فائدة صراحة ما شفت الفائدة المرجوة في التأكد من الاحاديث وتوقيف هذا الكذب المنتشر .
بما انه الكذب انتشر بالهبل وبشكل فضيع والناس ما تدري بنية خير تقعد تنشر هالكذب وبالحقيقة هي قاعد تأخذ وزر مو أجر وحتى لو ما تدري وعشان الواحد يعرف الصحيح من الكذب في دينه ويتأكد حبيت أسوي مسابقة في الدفاع عن الرسول صلى الله عليه وسلم والذب عنه ونصر سنته وأحاديثه وتبيان ما كذب عليه
طريقة المسابقة :
بتكون إني أجيب حديث موضوع او ضعيف او صحيح المطلوب انكم تبحثون عن صحتها ويجيبلي فتوى او موقع أحاديث ذكر انها ضعيفة او موضوعة او صحيحة .
والطريقة راح تكون سهلة بإذن الله وراح نمشي بالتدرج ما أبيكم الحين تقولون صعبة وتستصعبون المسألة والله إنها بسيطة وبنمشي حبة حبة يعني بجيبلكم في البداية الاشياء الواضحة السهلة انكم تحصلوها والبداية بتكون ضغطتيين زر ونخلص من الموضوع .
لا تتوقعوا اني أجيبكم من كتاب الموضوعات لإبن جوزي او كتاب التاريخ الكبير للبخاري وأقولكم طلعولي لا بجيب من المنتشر في المنتديات والي أغلبها مر عليكم قبل وشفتوها وبحاول أجيب المواضيع من نفس هذا المنتدى فيها أحاديث كذب كثير .
وما ابيكم تقولون حنا ايش دخلنا في المسائل هذي وليش نتعب نفسنا
ما ادري كيف تتحمل الواحدة تشوف هذا الكذب على حبيبها ونبيها عليه الصلاة والسلام وما يهمها
ما عمركم مريتوا تشاركون بموضوع والكل يرد وهو متأثر وبعد فترة تعرفيين ان الموضوع كذب وتكونيين انتي سبب ان خليتي الناس تعمل وتتأثر وتنشر كذب على الرسول صلى الله عليه وسلم .
ما عمركم شفتوا حديث وشكيتم انه ضعيف وضليتوا على الشك وسكتوا والناس تصدقه وتأخذه
ما عمركم فكرتوا تنشرون حديث وعجبكم الفضل الي فيه بس خفتوا يكون ضعيف
صدقوني بتستفيدون من المشاركة فوائد ما تتخيلوها خاصة اذا إستمريتوا في البحث عن صحة الاحاديث والجوائز الي تحصلونها من المشاركة على سبيل المثال لا الحصر :
أولاً : انكم تعرفون الاحاديث وتتعلمونه وتعرفون درجات الحديث وتعرفون بعض مصطلحات الحديث يعني اذا قالك رواه الستة منهم ذولي ؟؟ ولا الشيخان او يقولك حديث مرسل او مرفوع ايش معناه ؟ وإيش فرقها عن الضعيف صدقوني مع الوقت والبحث بتعرفون أشياء كثيرة وتتعلموها .
ثانيا : بيكون الحديث الموضوع والضعيف سهل انكم تعرفونه يعني علامات الكذب في الاحاديث واظحة جداً يعني بعد شوية بعد كذا بتعرفون المكذوب علطول من غير فتوى لأنه واظح لمن لديه أدنى درجة من علم حديث صدقوني بتوصلون الى درجة انكم تشمون ريحة الحديث الضعيف والمكذوب من عنوان الموضوع .
ثالثاً : الرد على المواضيع المكذوبة والضعيفة وتعليم الناس وإفادتهم وورد في الحديث (خير الناس أنفعهم للناس ) وتحذيرهم من الحديث المكذوب وأخذ الاجر بذالك بإذن الله .
ويكفيكم قضاء الوقت في شرف الدفاع عن الرسول الحبيب عليه أفضل الصلاة وأتم التسليم
أبي الكل يشارك ويتفاعل ما أبي واحد يشوف انها بسيطة وانه يقدر يبحث وما يحتاج مسابقة ادري ان في بينا الي يقدر يجيبلنا المصادر وأسانيد الحديث من الكتب مو بس مواقع اذا انت تقدر غيرك ما يقدر وما تعود على البحث بس شارك على الاقل تفعل الموضوع وتشجع غيرك على المشاركة والفائدة وإحتسب الاجر وخلينا نتعلم منك نورونا بالي عندكم عطنا خلنا نستفيد منك كمان .
وإلي شايف انها صعبة وانه ما يقدر صدقوني أبسط من البسيط بس إنتوا جربوا وأي شئ اسألوا جربوا وبعدها تشوفون صعب ولا لا
الحين لو كان حاجة دنيوية اي شئ بحث عن وظيفة او دراسة او حاجة للتجميل او حاجة للجسم كان بحثنا وجبنا مواقع من تحت الارض .
الاحاديث كلام رسولنا صلى الله عليه وسلم دستورنا ومنهاجنا بعد القرأن الي نمشي عليه لازم نعرف الصح من الخطأ هذا دينا يلا شدوا الهمة والجميع شاركوا
أتمنى تسألون أي نقطة تبون أوضحها اي استفسار اي مساعدة انا حاظر المهم تشاركون وتستفيدون
صراحة تعبت وأخذلي وقت وانا ادور الاحاديث الي تكون في بداية صفحة قوقل عند البحث عن صحتها عشان تسهل عليكم في البحث وعشان نمشي بالتدرج الاسهل وشوي شوي
أسأل الله أن يجعل عملي هذا خالصاً لوجه وأن لا يحرمني من الاجر ولا يحرم الاجر من شارك وإستفاد وإستثمر وقته في الدفاع عن نبيك عليه أفضل الصلاة وأتم التسليم .